第六場：上海街一橦舊大廈的後巷

香港

塡詞：陳文剛

阿儀：　海豐裏頭，到海豐養牛
　　　　有花開遍每年依舊。
　　　　炎夏與秋冬的氣候，
　　　　都帶著歡笑不會悶愁。
Anita： 再不請求，怕海豐裏頭，
　　　　四週污染確難忍受。
　　　　成日怕打風真惡受，
　　　　空氣仲好似屎咁冤臭。
　　　　工資低夾克扣，男士通處毆鬥，
　　　　人仲慘過走獸，我卻最愛香港自由，
　　　　鍾意亂噏無人追究。
Anita及眾女：我最愛香港欣賞晚霞，
　　　　　　 蒲完唔夠再去飲夜茶。
　　　　　　 談情同說愛不管亞爸，
　　　　　　 過時過節我要歎番下！
阿儀：　 係鍾意舊陣种青豆。
Anita ：　話親种青豆我想嘔。
阿儀：　 亦想與舊歡過中秋。
Anita ：　萬千個中秋發吽逗。
Anita及眾女：我最愛香港不需發愁，
　　　　　　 人人能夠有各種自由。
　　　　　　 如同乘坐昇空氫氣球，
　　　　　　 你會看見世界已足夠
阿儀：　 夢想發達返去鄉下。
Anita ：　幻想下週身有蚤乸。
阿儀：　 大屋裏盡鋪滿鮮花。
Anita ：　做乜發花癲説夢話。
Anita及眾女：移民嚟香港搵錢歎茶，
　　　　　　 人人肥到有個雙下巴。
　　　　　　 肥婆蘭最愛嘅洗米華，
　　　　　　 有人要你切記（哪哪你切記）快啲嫁。
阿儀：　 用錢買電話返鄉下。
Anita ：　或者你個陣已經啞。
阿儀：　 仲可以賺錢買車揸。
Anita ：　或者你個陣癱咗啦。
Anita及眾女：我最愛香港欣賞晚霞，
　　　　　　 蒲完唔夠再去飲夜茶。
　　　　　　 談情同說愛不管亞爸，
　　　　　　 過時過節我要歎番下！
阿儀：　 定一個日子返鄉下。
Anita ：　做乜你點都咁潚洒。
阿儀：　 望親友亦想我歸家。
Anita ：　或者有公安要問話。

·錄自 戶外音樂劇 - 夢斷維港 之場刊·