歐錦棠 財散人快樂

「做電視滿足感最低,做嚟搵錢啫! 」凴《烈火雄心II》人氣急升的歐錦棠如是説。原來他努力拍劇是爲了圓夢,賺得的錢全用來自資拍電影、出雜誌,皆因「想留啲嘢喺呢個世界。」真金白銀拎去蝕喎? 他沒好氣的說:「我都想有老闆支持,搵唔到咪靠自己
囉。」戇居嗎? 他差點沒指着記者鼻尖說:「錢,係用唔晒嘅,最緊要用得有價值。」

文:賴明

攝:呂小煒

歐錦棠過檔無綫後一劇接一劇,在《烈火雄心II》中英勇救人的一幕更創下三十八點高收視。他說:「的確多咗人問我攞簽名,但你估我初入行咩,冇乜感覺啦。做電視要睇好多客觀因素,呢套得未必下一套得。」

雖然遇上「小陽春」,不過歐錦棠以平常心面對。他說:「多咗人搵我做嘢,都要我接得到o架,月尾去廣西拍劇,依家又要排話劇。」電視劇帶給歐錦棠最多進帳,可是給他最大滿足感的是話劇。他說:「你唔覺得我冇以前咁浮誇咩,我刻意要自己低調啲,畀話劇界同觀眾知道我係有誠意嘅。」其實他在九六年演《虎度門》而初踏台板,之後每年起碼演一套話劇。爲了排戲,他已推掉不少工作。

閙政府歧視

別以爲歐錦棠與錢有仇,剛剛相反,他的錢要用得其所,「儲夠錢我出年就開戯。」九九年他自資、自編、自導、自演的《1959某日某》原本有三部曲,《一》片是第一部曲,明年拍的是第三部曲。第二部曲呢? 他解釋:「陳果成日叫我拍,但嗰部好貴,未夠錢。」有沒有想過找其他資金? 他說:「電影公司要我拍商業啲,我唔識嘅;申請政府基金又唔批,佢哋以爲我係演員一定有辦法,歧視囉! 」

老婆好支持

除了電影之外,歐錦棠亦自資出版武術雜誌,年前又在百老匯電影中心開設「小龍舘」,結果蝕了幾十萬。歷年來花在這些「興趣」上的金錢數以百萬計,老婆萬斯敏有沒有投訴?他笑謂:「佢都係咁o架,想做就去做,依家喺英國讀緊特技化妝,仲要讀一年。我又好好彩,阿媽唔使我養,冇家庭負擔,可以做自己鍾意嘅嘢。」平日搭地鐵、逛旺角、幫襯茶餐廳的歐錦棠,一擲百萬都是為追尋理想。

自資搞雜誌

歐錦棠是少數能文能武的藝人,他自幼學泰拳,更考得跆拳道黑帶;同時又寫得一手好文章,曾經在報章專欄連載。讀中四時已在《新武俠雜誌》當兼職記者的他,最近索性自己出版武術雜誌《新格鬥》。

「呢本雜誌由我同兩個朋友合資,得三個人做。我係社長,但採訪、攝影都係我,唯有化多幾個名啦。由於人手嘅關係,依家只係季刊。」投資幾多? 歐錦棠笑笑口話:「唔記得啦! 總之連日本都有得賣。」

-- 以上內容來自2002年9月16日 成報 --