歐錦棠連場歌舞演偶像 李小龍日本fans組團睇

歐錦棠於十二月十九日開始,演出七場由他自編自演的音樂劇《細鳳》,劇情講述李小龍離港赴美前最後廿四小時的故事。

歐錦棠說:今次要唱歌、跳舞、演戲三樣一齊,跳舞就最難,因為啲舞都係原創冇得跟,啲歌又唔係流行曲嗰類,而係夾雜咗好多唔同風格,有啲仲有好重音樂劇味道,三樣加起嚟就難上加難。我三個寫第一稿,而家都一路改緊,做呢個劇我推咗好多工作,想專心啲,有人話我傻,但係我當個劇係我個仔,今次係圓我嘅心願。

對於七場門票開售不久即售餘小量,阿棠表示:我知道啲門票賣得幾理想,有五十個日本嘅李小龍fans仲組團過嚟香港睇。觀眾記得要準時入場,因為一開場就有十五分鐘嘅連場歌舞,頭兩幕劇情仲對個劇有好重要影響。另外,我又整咗啲展板放喺會場外展覽,我用咗好多心機,睇完展板再睇個劇,觀眾會對成個劇有更深嘅體會。

>>錦棠作品 - 細鳳(原創音樂劇)<<