《細鳳》成功再接再厲 歐錦棠添食 籌備兩新劇

歐錦棠早前演出講述李小龍成名前事跡的音樂劇《細鳳》,除了贏得票房及口碑外,更贏得台前幕後一班工作人員的真摯友情。

阿棠說:「台前幕後為個劇排咗幾個月,已經好似一家人咁,加上演出期橫跨聖誕同新年,我哋都有互送禮物,我送咗啲由Eric So設計嘅李小龍T恤以及健康食品畀導演同演員做『Good Show』禮物。Boxing Day嗰日我哋演出前仲開party大食會,好有聖誕氣氛。」

做《我的遊園驚夢》

阿棠續說:「我自己係第一次喺舞台上過聖誕,今次收到好多觀眾送嘅禮物,最鍾意嘅一份係幾米繪本,因為我好鍾意嗰種色彩斑斕,但孤獨嘅感覺。其實今次最大嘅禮物係大家一齊開開心心為興趣而演出。《細鳳》之後我想搞兩個劇,一個係講男女之間嘅戰爭;另一個係恨咗好耐嘅《我的遊園驚夢》,希望〇四年做唔晒兩個新劇都可以做其中一個喇!」

>>錦棠作品 - 細鳳(原創音樂劇)<<