舞台劇扮演畢加索　歐錦棠法國酒吧搵料

歐錦棠為演出舞台劇《畢加索遇上愛因斯坦》，早前特地抽空前往法國，體驗當地的文化及風俗。由於歐錦棠於劇中飾演畢加索一角，劇情還講述他經常流連酒吧，因此他在法國逗留時，亦晚晚前往不同特色的酒吧作資料搜集。

阿棠說：「原來當年好多未被人賞識嘅畫家，去酒吧飲酒消遣時係可以用自己嘅作品作為結賬費用。我睇番啲資料，仲發覺當時啲畫家埋單嘅數目其實好少，但後來啲畫就可以拍賣到好高價，真係賺大錢。」

令歐錦棠在當地留下最深刻印象的，就是法國當街充滿情調的建築物，他說：「我實在太投入當地嘅風景喇，仲周圍影相，返到嚟先發覺淨係影建築同風景，自己就連一張『到此一遊』嘅單人相都冇。」