歐錦棠俾百厭鬼整蠱

有人說娛樂圈屬偏門行業，所以特別惹靈體。歐錦棠對此不能否定，因他自從17歲那年接觸過靈體之後，幾年來一直再沒遇過，直至入了娛樂圈後，在這十多年間，便曾多次遇到或見到靈體在眼前出現。最令他感覺恐怖，但又好笑的一次，是在亞視藝員休息室被「百厭鬼」整蠱……

早期的亞視電視台，有一間名為「藝員休息室」，實為雜物房的地方，丁方百呎，只能放下一張雙人梳化，兩張摺椅，其餘全是雜物，陰陰暗暗的。當時仍為《睇真啲》主持的歐錦棠，因通宵工作至晨早7 點才收工，但下午還要錄《睇真啲》預告，為了爭取休息，於是便和另一位同事在這間休息室小睡一會。

當時那位同事坐在靠牆椅，而歐錦棠則睡在梳化。朦朧間，彷彿聽見有人在說話，他還清楚記得有一把聲說：「呢個瞓喺度嘅係邊個嚟?」而另一把聲則說：「呢個人好串?!」他心想，誰人這麼不熟性，於是睜開眼一掃，房內除了自己和那位已熟睡的同事外，並無其他人。過了兩天，歐錦棠再次走入這休息室小睡。怎知剛合上眼，又聽見那兩個人說話：「又係佢喎!」另一個就說：「咁麻煩，阻住晒。」說時遲、那時快，已被人從梳化推了落地，他連忙一躍而起，望望四周，亦是冇人。此時，隱約聽到有笑聲，歐錦棠突然心中一寒，發覺不妙，連忙奪門而出，並一邊說：「對唔住兩位大佬，我即刻走!」自此後，歐錦棠直至離開亞視前，都沒有再踏入這間休息室。

凡有賭博成分都叫偏門著名風水師蘇民峰說：「娛樂圈之所以被認為係偏門行業，是因為做呢行收入不穩定，好多藝人初入行都會講『落去博一博。』咁即係紅與不紅亦要講運氣，凡靠運氣嘅行業，都歸入『偏門』類。講到話點解做娛樂圈特別容易見鬼，就係運氣問題。時運高，即係當旺，當旺咪見唔到，時運低，即係冇運，咁就比較易『撞鬼』。」

>>錦棠作品 - 今日睇真D<<