竊聽型男冇好下場　古仔斷肢 吳彥祖嚇窒

古天樂前年演出爾冬陞執導的《門徒》時，不惜變醜演癮君子，今年他再拍爾冬陞監製的《竊聽風雲》時，他又要增肥扮老差骨，最震撼一幕是被大型貨車撞斷手、腳，畫面血淋淋。吳彥祖拍畢此片則留下陰影，擔心平日也遭竊聽或偷拍。

由爾冬陞監製、麥兆輝與莊文強執導、劉青雲與古天樂主演的《竊聽風雲》上周率先在內地上映，票房累積已過了3000萬人民幣，成績算是不俗，香港就由昨天開始公映。為了尋求突破，古仔應導演要求增肥30磅，還要將頭髮染白扮老，除了外形的變化，他為了扮演刑事情報科科技組警員時更逼真，曾與監聽組有密切關係的人見面。不過要向離職的監聽警員取經並不容易，因為政府有保密規矩，離職後的監聽警員在七年內不可談及自己的工作，故古仔覺得跟他們見面是一次難得的經驗。

原本這部戲大部份場面都是坐在室內竊聽，可以很舒服在冷氣房拍攝，但古仔有一場被大型貨車撞傷斷手和腳的鏡頭，他要把其中一隻手和一隻腳屈起來扮斷了，全身還塗上血漿，這場戲令古仔叫苦，他說：「呢場戲係講述我、青雲同Daniel(吳彥祖)無意中竊聽咗一次金融造市內幕後，一念之差傾家蕩產，仲去借錢買股票，結果得罪大鱷，成為追殺目標，最後仲害埋家人死傷。我就俾車撞到左手左腳折斷，所以我要屈住左手同左腳演戲，被屈嘅感覺好難受，真係痠痛。」 至於吳彥祖在戲中也一樣不得好死，他說：「戲入面我雖然比古仔早死，唔使受咁多折磨，但拍完呢部戲我都有陰影，會好怕俾人偷拍或竊聽，喺屋企換衫時會閃過會唔會俾人偷拍嘅想法，仲有會對買股票抱住好審慎嘅態度。」

青雲今次在戲中要與張靜初拍幾場談情戲外，又要拍槍戰戲，有次他更被道具槍的火屑整傷手。青雲說：「喺戲入面，我因為俾兩位手足古仔同Daniel連累而俾人追殺，俾歐錦棠推落泥坑活埋，慘遭食泥，今次最大嘅教訓係識錯朋友囉!」

-- 以上內容來自2009年7月31日 蘋果日報 C16 娛樂名人 --

>>錦棠作品 - 竊聽風雲<<