歐錦棠冇晒男人味「鬚Bad」

無綫處境劇《畢打自己人》受一眾上班族歡迎,飾演集團高層嘅歐錦棠,佢留鬚Look好有新鮮感,亦將阿棠嘅功夫形象轉型,變得好有優皮老闆嘅味道。

阿棠跟小小So講,佢都好鍾意呢個造型,仲話自己從演以嚟,造型變化唔大,今次大膽留鬍鬚,可謂一個突破,連同劇排擋毛舜筠都大讚有型,所以,阿棠曾向小小So保證,會Keep住留鬚做型佬!

不過,阿棠日前打畀小小So,電話筒傳嚟嘅聲音猶如晴天霹靂,因為佢已經被迫剃咗鬚,至於點解? 阿棠話:「因為《畢》劇監製唔鍾意,覺得唔好,要求我剃咗去,我為咗配合個劇,只好依從監製意思,毛姐知道都戥我唔抵,我剃鬚當日,好唔捨得,好似人哋落髮咁,惟有影張相留念啦!」

-- 以上內容來自2009年7月28日 太陽報 爆炸堂 --

>>錦棠作品 - 畢打自己人<<