歐錦棠為堅叔出自傳

「奸人堅」石堅病逝,原來其後輩歐錦棠曾承諾幫佢出自傳,但遲遲未完成,阿棠尋日講起堅叔,顯得非常自責,仲承諾會半年內完成堅叔嘅自傳。

歐錦棠回憶年幾前向堅叔建議出自傳的畫面時說:「我膽粗粗同堅叔講:『不如同你出自傳。』佢微微笑,之後就接受咗我兩次訪問,本來想同佢傾第三次,但佢已經入咗醫院。堅叔過身我好難過,我應承同佢出自傳,但因為其他事忙,一拖就年幾,不過堅叔自傳係無論如何都要完成,因為要畀世人睇到呢位集百家大成嘅武術家同演員,我限自己半年內完成堅叔嘅自傳。」阿棠又話有啲因為睇咗李小龍主演嘅《龍爭虎鬥》而迷上堅叔嘅日本粉絲,尋日託佢向堅叔送花圈。

本月25日舉殯

而堅叔生前的好友周驄話:「堅叔彌留嗰陣好辛苦,雖然佢晚年不良於行,但仍經常郁動手腳,冇放棄。」至於蕭芳芳講起同堅叔合作嘅點滴時話:「無論堅叔幾攰、幾唔開心,佢都會話『冇事』,我未見過堅叔發脾氣,係個大好人,拍動作戲時,堅叔好用心教我同陪我練習,所以佢離開,我好難過。」石堅嘅喪禮定於本月25日喺世界殯儀館,以基督教儀式進行,遺體火化後骨灰會喺薄扶林墳場安放,演藝人協會正計劃搞追思會紀念。

--

歐錦棠半年內推堅叔自傳

石堅離世,令原本一早想為堅叔推出自傳,卻因事忙而一拖再拖的歐錦棠非常內疚,阿棠坦言很自責,他說:「當日我膽粗粗同堅叔講想幫佢出自傳,佢微微笑。我聽到堅叔過身好難過,應承佢出自傳,但因為有其他嘢做,而拖咗年幾,但堅叔自傳無論如何都要完成,要畀世人睇到一位吸納百家大成嘅武術家演員,事事親力親為嘅專業精神,我限自己半年內實現承諾,紀念呢位咁有才華嘅演員。」

而曾與石堅合作的蕭芳芳表示:「我未見過堅叔發脾氣,佢幾攰幾唔開心,都會話『冇事』,記得拍動作戲時,佢會好用心教我,陪我練習,佢離開,我好難過,佢係個大好人。」至於,堅叔生前好友周驄昨日出席活動表示:「堅叔彌留時好辛苦,但佢晚年雖然不良於行,仍經常郁動手腳。堅叔最難得係娶到好老婆,四個仔女又好關心佢。」

石堅將於本月25日於世界殯儀館設靈,採基督教儀式,遺體火化後葬薄扶林墳場,而演藝人協會正計劃為石堅舉行追思會。

-- 以上內容來自 2009年6月6日 太陽報及東方日報 --