歐錦棠性劇擺老婆上檯

演出百老匯經典性喜劇《死佬日記》的歐錦棠,不但滿口性經及粗口,更不惜出賣私生活,他說:「我將劇中太太個角色改冲老婆個名,演起嚟入戲啲,對白好抵死,佢明白係做戲,唔會介意。」

美國公司對是次亞洲首演非常緊張,還派員來港看預演及研究劇本。

歐錦棠棟篤笑爆性事

歐錦棠挑戰黃子華、詹瑞文和林海峰,單人上演棟篤笑《死佬日記》。歐錦棠說:「今次都有壓力,一個人、一套衫做足個半鐘,連中場休息都無,但好在係百老匯名劇,去過30幾個國家演出,有超過800萬觀眾支持,咁我都有番啲信心。」

今次開宗明義演性喜劇,歐錦棠不惜出賣老婆將兩性關係搬上台,揸住孖煙囪滿場飛。歐錦棠說:「我哋保留番佢嘅結構,但加咗好多本土元素,由中年男人出發,難免要出賣自己嘅私生活,仲專登將劇入面太太嘅角色改咗自己老婆個名添,太太唔知o架,但我諗佢唔會介意嘅。」

百老匯對於亞洲區首次演出該劇目相當着緊,一早派人看過預演,才通過下星期開始一連八場的演出。

-- 以上內容來自2008年1月19日 太陽報及東方日報 --

>>錦棠作品 - 死佬日記<<