焦媛拉攏復出演舞台劇 鄭文雅挑戰茱莉亞冇失威

鄭文雅闊別藝圈十多年後,首次復出演出舞台劇《誘心人》,威力相當,雖然該劇將於明年一月才會在大會堂劇院公演,但現已吸引服裝店贊助全劇戯服。早前,眾演員鄭文雅、焦媛、歐錦棠與鄧偉傑便一起為該劇拍攝海報,所穿的衣服看似很隨意簡單,但其實是贊助商早於八月時專程到歐洲為各人搜羅適合的戯服,而出來之效果亦十分出色,與電影版《誘心人》頗爲相似。

切合氣質

鄭文雅除了曾為該劇影海報外,還跟眾演員圍讀兼試戯,焦媛大讚鄭文雅演技出色,焦媛表示:「我一直都好想將《Closer》搬上舞台,但一直好頭痛搵邊個做茱莉亞羅拔絲嘅角色,直至鄭文雅嚟睇《劉三姐》嘅時候,我靈機一觸覺得佢好適合。之後仲一拍即合,促成咗今次合作,當大家試戯嗰陣,我覺得自己真係搵啱人,佢真係好適合演呢個角色,因爲呢個角色外冷內熱又有藝術品味,好切合佢嘅氣質,我直頭覺得佢演得好過電影版嘅茱莉亞羅拔絲。」

焦媛在劇中將飾演妮妲莉脫衣舞孃角色,問焦媛會否跟原著一樣大跳脫衣桌上舞?焦媛表示:「我而家仲處理緊,而導演亦有咁嘅要求,等開會時再決定。」

談到《誘》劇導演蔣維國,原來來頭甚勁,是演藝學院戲劇系院長,又是博士級人馬,令《誘》劇更添可觀性。

-- 以上內容來自2005年10月28日 東方日報 --

>>錦棠作品 - 誘心人<<