搞展覽 自資演小型劇 歐錦棠扮風流畢加索

歐錦棠早前舉辦個人展覽,將他去年到法國考察關於畢加索事迹的相片及錄像公開,並自掏腰包在展覽場地上演一場名為《油夢-情色-畢加索》的小型劇,將才華橫溢的大畫家畢加索之風流一面呈現。由於內容牽涉到性愛,阿棠與女演員有不少大膽演出,但他不擔心被外界投訴,並揚言會再接再厲。

太太有份做

阿棠在《油》劇中,要與女演員演出大膽床上戯,他說:「嗰幕講我同嗰位女演員喺舞台上做愛,前景有啲舞蹈員喺度跳舞,意識幾大膽,我配合燈光、舞蹈去交代,個劇我太太都有份演,佢冇呷醋,做戯啫,又唔係真,我反而要多謝所有參與嘅台前幕後人員,因爲佢哋都係義務演出。(有冇擔心畀外界投訴個劇意識大膽?) 我不嬲都覺得香港人表面好開放,其實思想好保守,我唔怕投訴,呢個係自由社會,我唔會因爲其他人而影響創作,而且我只係想畀多啲空間觀衆去思考。」

阿棠對於首次個人展覽十分重視,他說:「除咗個劇,我仲將展覽廳裝修成十九世紀嘅咖啡廳,喺展覽來講算係大手筆,好多人睇咗都讚有氣氛。雖然有人話阿棠都戇居嘅,但經過今次經驗後,下次我都會再做,希望第時展覽都可以有多啲唔同形式。」

-- 以上內容來自2005年10月24日 東方日報 --

>>錦棠作品 - 油夢-情色-畢加索<<