歐錦棠演空中飛人出洋相

擁有一雙強勁臂彎的歐錦棠,早前接拍無綫新劇《人生馬戲團》,並演繹空中飛人一角,阿棠揚言自己不但不畏高,更享受高處的感覺,可惜他耳水不平衡,拍攝時要他在吊架 上搖搖晃晃,令他又暈又嘔出盡洋相,但在鏡頭前只有硬着頭皮死撐。

阿棠表示經此一役後,對空中飛人更加崇敬:「我唔搖得,玩鞦韆都會嘔,要我做空中飛人喺個吊架上面做動作同表情,真係考起,拍攝時我唔敢食嘢同飲水,怕嘔晒出嚟,個個話我面都青晒,食咗暈浪丸都冇用,我惟有一味死頂。返到落地面有啲要我左右手各舉起一個女藝員嘅鏡頭,雖然佢哋吊咗威也,但我雙手都要承受唔少重力,拍完睇醫生,發現手嘅軟骨移位,要番入去,證明空中飛人唔止係表演 雜技咁簡單,仲係血同汗嘅累積。」

-- 以上內容來自 2005年10月7日 東方日報 --

>>錦棠作品 - 人生馬戲團<<