歐錦棠劈炮 唔撈李小龍會榮譽顧問

歐錦棠昨日決定登報呈辭李小龍會榮譽顧問一職,他說:「我自九八、九九年起做呢個會榮譽顧問,為個會做嘢從來冇收過錢,有時仲會自己出錢添。(對會方有啲乜嘢不滿?)講咗出嚟可能變咗人身攻擊,道不同不相為謀,我係欣賞李小龍,但唔覺得要將佢當神咁拜。(退會決定同近期鑄造銅像風波有冇關係?) 個會冇人同我講過整銅像,我不嬲都唔贊成整像,有咗個銅像,政府就唔會咁着緊去興建李小龍舘。」

-- 以上內容來自2005年7月21日 東方日報 --