歐錦棠瑜伽排毒

咪以為歐錦棠淨係打功夫叻,原來佢玩瑜伽一樣咁耍家,仲可以玩到去十幾廿次廁所! 「我朋友教咗我一套瑜伽排毒法,一路做瑜伽一路搓個肚,期間要不停飲水,大概兩個鐘之後就會去辦大事,如此繼續做,直到你感覺已經冇嘢可以再排出。」阿棠仲提醒大家話:「做呢種瑜伽只可以一個人做,除非你屋企有兩個廁所,而且間唔中一次好嘞,成日做嘅話都幾麻煩! 不過我覺得只係用水和運動就可以有咁嘅效果,幾神奇! 而且好自然。」小記聼完都好想試吓呢種咁自然嘅排毒瘦身法,諗住阿棠邊度有得學或者有相關書籍發售,但阿棠話係佢朋友喺印度學完返嚟教佢,香港暫時未見有喎! 真係失望!

-- 以上內容來自 2004年6月8日 TVB周刊第366期 --