「我唔打佢已經好畀面! 」 郭羡妮疑巴渣辣歐錦棠

郭羡妮昨日在電視城化妝間,與歐錦棠耳語一番,她離開後阿棠即大發雷霆,事後他說:「最憎人喺我耳邊巴巴渣渣! 」郭羡妮則連聲說:「唔關我事! 」

歐錦棠昨日突然在電視城化妝間大發脾氣,踢牆兼掟粉餅,嚇到在場人士目瞪口呆,連姜大衛亦不禁說:「嘩! 大哥呀?」剛巧經過的李克勤,不知就况與阿棠開玩笑說:「乜你咁大牌嘅! 」令阿棠更加面黑。

據目擊者表示,事發前郭羡妮曾與歐錦棠耳語一番,當她離開後,阿棠即火滾地爆粗:「做嘢吖嘛! 玩咗咁耐都玩夠啦! 咁×大個人都唔×醒目! 」語畢便踢牆,令人懷疑是郭羡妮激嬲阿棠。

郭羡妮匆忙走避

之後記者在古裝街見到Sonija(郭之洋名),問她是否激嬲歐錦棠,她即匆忙走避,並說:「我都知(指發脾氣),但唔好影我,唔關我事! 」連番追問下Sonija才說:「真係唔關我事,亦唔關工作事。佢頭先都有同我講唔好意思,話自己心情唔好,驚住嚇親我。」現場所見,阿棠心情似稍為好轉,拍一拍Sonija膊頭,但仍拒絕接受訪問。

本報記者事後致電阿棠,他憤憤不平地說:「想唔想講笑我自己知,我最憎人喺我耳邊巴巴渣渣,『辣』我呢個精神病患者,我唔打佢已經好畀面佢! 」

雖然阿棠強調激嬲他的絕不是郭羡妮,但他仍堅拒透露誰是元兇。

-- 以上内容來自2002年12月14日 太陽報 --