歐錦棠教倪秉郎耍大刀

移民加拿大六年嘅倪秉郎,每年年底都會返香港做舞台劇,今年亦唔例外,冒住搭飛機危險,都係為咗過戯癮。今回做嘅舞台劇,叫做《大刀王五》,由歐錦棠擔任武指,12月7日起响葵青劇院演三場。

話明《大刀王五》,梗係要耍大刀,所以,阿郎每有刀劍動作,都要同阿棠傾掂數至耍得出街。

視覺上,刀劍呢家嘢,梗係愈硬愈好睇,但係阿郎喺加拿大耍慣太極,一下子要舞大刀,當然雞手鴨腳,好彩佢悟性唔差,操咗兩個月就掂,九仔哥笑佢,如果唔掂,套劇不如索性改名叫「太極王五」啦!

-- 以上內容來自 2001年11月28日 CUP --

>>錦棠作品 - 大刀王五<<