欣賞鄧麗君做《小城》司儀 歐錦棠押後拍廣告倒貼亦開心

歐錦棠過檔無線後身價倍增,除了在無線的工作被安排得密密麻麻之外,最近他接拍了一個大陸樓盤廣告,他坦言是他入行以來酬勞最高的廣告,昨日他出席「小城巨星挑戰賽」記者會時,向記者透露時表現得喜上眉梢。

歐錦棠說:「《烈火雄心II》已經開始拍,呢個劇試造型嘅時候我去咗泰國取景拍一個大陸樓盤廣告,本來我而家又要飛去加拿大再為呢個廣告取景,但因為我要為《小城故事》呢個節目做司儀,所以要向廣告商方面推遲啲再去。今次拍廣告的安排非常滿意,仲係我入行以嚟價錢最好嘅廣告。」

歐錦棠非常欣賞鄧麗君,還認為自己與鄧麗君有點淵源,他說:「以前喺亞視我同鄧麗君都試過有一面之緣,後來佢過身,我即刻代表『今日睇真啲』去清邁走訪呢件事,重喺飛機上訪問咗佢弟弟鄧長禧,所以我好想做今次呢個騷,我喺無線已經冇大假,所以遲啲再飛去加拿大我要貼錢攞假,不過冇所謂,搵得到就俾得起啦! 」

-- 以上内容來自2001年5月19日 東方日報 --

>>錦棠作品 - 烈火雄心II<<