斟洽年底赴美拍電視劇 歐錦棠決離開《睇真D》

歐錦棠早前透露過,他有意離開《睇真D》的主持工作,有關方面獲悉後大動肝火,把他罵到狗血淋頭,但此擧並沒有令阿棠改變初衷,昨日他仍以堅決的口氣表示,待稍後在適當時間他落實了外間的新動向後,便正式離開《睇真D》的主持行列。

接拍日本電影

阿棠解釋說:「我喺亞視嘅發展都盡啦! 遲啲做到冇心情,工作散漫咁就唔好啦! 要突破咪要轉吓環境囉!(唔怕年尾約滿前俾公司雪藏咩?)唓,我外面大把機會啦,例如三月初我接咗套日本電影《香港夜總會》,主角係日本四大天王之一嘅香取慎吾,香港演員有袁靚靚、吳耀漢,部戯拍到我結婚前一晚都重要開通宵工呀!」

此外,雄心勃勃嘅阿棠,現正與美國一間獨立製作公司,斟洽年底赴美拍電視劇事宜,雖未落實演出多少集數,但他估計最少亦須留美三個月以上。

至於有說六月亞視會開拍武打劇《贊先生》,會找他擔演其中一個重要角色,阿棠則不置可否道:「都未開拍,我都唔知自己係咪有份,如果係就好希望係自己代表作囉! 打都打得好睇啲!」聽阿棠口吻,似乎離開亞視乃勢在必行了。

-- 以上內容來自1997年2月21日 蘋果日報 --

>>錦棠作品 - 今日睇真D | 1959某日某<<