趁女友不在身邊 實行「一王雙后」玩個夠 歐錦棠揚言死前做隻飽鬼

歐錦棠今次的聖誕既唔開心,但又開心。實情應該係非常開心,唔開心的是其女友萬斯敏仍在北京讀書,今年首次不能陪他過聖誕;開心的是亦因為咁,他可嘗到「一王雙后」滋味,結果令他非常開心!

乘機拖手仔

在平安夜當晚,沒有女友相伴的阿棠,約了黎思嘉、許偉玲一起去尖沙咀吃飯。阿棠笑着承認,特登揀鬧市的食肆,咁就因太過迫人,順理成章拖住兩個靚女隻手行街街啦! 問到阿棠有無向萬斯敏「備案」,感覺如何? 阿棠「懶得戚」咁話:「梗係無話畀佢知啦,我想喺『死』之前(明年三月結婚前),做隻飽鬼呀嘛! 至於感覺呀? 梗係正啦!」

扭耳仔認錯

當晚阿棠跟黎思嘉、許偉玲食完飯後,仲直落去開房……不過係卡拉OK房唱歌,此外,仲有一個朋友同行,無機會畀阿棠更進一步呢! 即使係咁,稍後萬斯敏學成返港,他還是要被扭耳仔認錯,才能順利喺三月娶得老婆歸。

-- 以上內容來自1996年12月27日 東方日報 --