拍李小龍故事初執導筒難搵着數
歐錦棠未親香澤黎思嘉幸保不失

「ROLL機!」歐錦棠竟然做起導演來!

唔係拍「今日睇真D」,唔係拍劇集,係拍關於自己偶像李小龍古仔嘅新片「一九五九某日某」。

因為演出的一班演員黎思嘉、吳曼麗、李潤祺、杜汶澤全是亞視藝員,加上阿棠的出現,所以每有街坊經過拍攝現場的涼茶舖,都不約而同的問:「咦! 拍『睇真D』呀? 歐錦棠呀!」

初執導演筒,兼任男主角拍自己偶像故事的電影,阿棠樣樣執到正,甚至出動私伙,連昨日借回來拍第一場戯的涼茶舖,也不謀而合興建於一九五九年,剛好切合此片的戯名。

由於投資拍此片的資金有限,所以阿棠透露大多是拍膊頭幫手,如昨日的涼茶舖景便是用此片稍後製作的一張VCD換回來,而一班演員則義助演出,分毫都沒有收,但大家都笑謂:「咁今個聖誕都要阿棠送番份禮物俾我哋咯!」

此外,女主角黎思嘉一到場,阿棠即為她摺手袖,整理戯服,十分細心。笑問他可擔心跟思嘉合作會再傳緋聞? 阿棠笑謂:「唔會,本來我同思嘉有幾場接吻戯,但修改劇本後發覺沒此必要。」所以阿棠今回冇得一親香澤,而思嘉亦幸保不失。

-- 以上內容來自1996年12月13日 東方日報 --

>>錦棠作品 - 1959某日某<<