黎思嘉獻出熒幕初吻 歐錦棠竟嫌三嫌四未驚喜

歐錦棠投資三萬元拍攝實驗電影「李小龍」,並找好友黎思嘉做女主角,稍後會拍一場接吻戯! 今次是黎思嘉的熒幕初吻,然而阿棠以這並非她的「處吻」,故對其「熒幕初吻」毫不珍惜,還來挖苦她。

阿棠抵死的說:「『處』吻就話啫,如果係『處』吻,拍之前我一定會用漱口水清潔口腔,仲要飲翻杯香片茶,兼且拍完之後仲會打面金牌俾佢添……不過依家只係熒幕初吻,有乜咁巴閉? 小弟一向噪熱容易生飛滋,如果到時生飛滋呢場戯就唔拍住喇,你知啦,飛滋都係口爛嘅一種,我唔係唔信佢呀,但我點知佢之前錫過邊個呀,點知有無問題呀,但我自己就唔同,已經檢查過身體,證明好乾淨o架! 」黎思嘉對於阿棠的挖苦,也「不甘示弱」,笑說:「呢場戯又係佢自己話要拍嘅,咁驚刪咗佢唔拍吖,無收錢之餘兼畀埋個熒幕初吻佢仲咁多嘢講……不過佢都係講笑啫,如果講真我一定嬲o架。」

另外,阿棠已將婚期定於明年三月廿八日舉行,昨日在化妝間見到經常幫人做「大妗」的冰姐,便捉着叫她到時幫手做大妗,初時大家一拍即合,還歡天喜地交換電話,怎知五分鐘後他卻收到壞消息,冰姐通知阿棠原來當日已有人「Book」了她,阿棠大失所望,惟有央求她度期。

-- 以上內容來自1996年11月6日 成報 --

>>錦棠作品 - 1959某日某<<