生命危險

亞視節目「今日睇真D」早排特登派隊去惠州追蹤一單有關「中港億元大騙案」嘅情況，男主持歐錦棠向八妹「呻」，雖然「挖」到料，仲聯絡到嗰位負責策劃呢單騙案嘅大哥，不過，對方發出嚴重警告，叫佢唔好亂講嘢，嚇得阿棠騰騰震。加上嗰日同遭騙村落嘅村長返呢條村做訪問，村民受騙，見村長要喊打喊殺，幾乎連累埋佢。呢次冒生命危險入村拍嘢，能夠平安返嚟，阿棠話，可算抹一額汗。